CONGRATULATIONS, phenomenal star Maine Mendoza!
Panay ang tweet ni Maine ng pasasalamat sa libu-libong taong dumating sa launch ng personalized lipstick na ginawa niya for MACCosmeticsPH. Tinagurian nga siyang #MacMaker dahil siya mismo ang nagpunta sa Toronto, Canada last year para gawin nang personal ang lipstick na ibebenta dito sa Pilipinas.
Nagkaroon ng launch noong September 19 ang lippie ni Maine sa pamamagitan ng isang party at kinabukasan ay puwede nang umorder online sa Lazada. Pero early morning of September 20 ay nag-post na ang @maccosmeticsph na: “#MaineForMAC got sold out on Lazada in 1 MINUTE !!! Congratulations to all those who were able to get first dibs via Lazada Maine #MACMaker Maine Mendoza.”
Nag-post naman ng invitation si Maine na mayroon siyang launch ng September 22 sa SM Megamall at darating siya roon after ng Eat Bulaga.
'Back to you mamang!' Chloe, rumesbak kay Ai Ai matapos hiwalayan ni Gerald?
Grabe ang taong dumating sa launch dahil ayon sa kaibigan ko na na nakipagsiksikan para makabili ng lipstick ni Maine, puwede raw bumili ng ten sampung piraso ang bawat isa pero mabilis nga raw naubos ang stock at nang maglabas ulit sila ay may limit na. Tatlong piraso na lamang puwedeng bilihin ng bawat isa. Thankful ang friend namin dahil naibili niya ang mga AlDub friends niya from abroad na um-order dahil wala namang mabibiling lipstick ni Maine sa ibang bansa.
Nang dumating si Maine sa venue ay punung-puno na ito ng fans at tuwang-tuwa namana ng mga tagasuporta na unang nakabili dahil puwede na nilang i-register ang kanilang receipt para sa meet and greet.
Nag-post din si Maie na magiging available na sa MAC stores nationwide ang naturang lipstick simula kahapon, September 23. Ang then may launch siya uli sa September 29 sa Trinoma at sa SM Mall of Asia sa October 5.
-NORA V. CALDERON
