Isang lalaki ang ibinulagta ng hindi pa nakikilalang armado sa Navotas City, nitong Linggo ng gabi.
Kinilala ang biktima na si Luigi Baron, 21, residente ng No. 1935 Monteloyula, Barangay San Roque, Navotas City.
Sa inisyal na imbestigasyon, sinundan ng suspek ang biktima habang sakay ang huli sa bisikleta sa Leongson Street, Extension, Bgy. San Roque, Navotas City.
Pinaputukan ng suspek ang biktima at tumakas patungo sa hindi batid na direksiyon.
National
UP, top university pa rin sa Pinas; Iba pang paaralan sa bansa, pasok sa Asian ranking!
Isinugod sa Navotas City Hospital si Baron, ngunit dead on arrival.
Isang pakete ng hinihinalang marijuana at isang basyo ng hindi batid na kalibre ng baril ang narekober sa pinangyarihan.
Nagsasagawa ng imbestigasyon at pursuit operations laban sa suspek, ayon sa awtoridad.
-Minka Klaudia S. Tiangco at Orly L. Barcala
