Patay ang isang pulis nang tambangan ng hindi pa nakikilalang armado sa parking area ng isang sabungan sa Malabon City, nitong Linggo ng gabi.
Dead on the spot si SPO2 Rodolfo Cruz, 42, nakatalaga sa Manila Police District (MPD), sanhi ng mga tama ng bala ng cal. 45 sa ulo at katawan.
Nakaligtas naman at walang sugat ang kasama ng biktima na si retired SPO1 Elmer Barola.
Sa report kay Senior Supt. Harry Estela, hepe ng Malabon Police, galing sa loob ng sabungan sina SPO2 Cruz at SPO1 Barola sa Don Basilio Boulevard, Barangay Dampalit, Malabon City, dakong 7:00 ng gabi.
Mga tagasuporta ni VP Sara, nagtipon-tipon sa EDSA Shrine
Dumiretso sa parking area ang mga biktima at pasakay na sa sasakyan nang lapitan ng suspek, inilarawang nakasuot ng bull cap, nitim na sando at back pack, saka pinaputukan si SPO2 Cruz.
Patuloy ang imbestigasyon sa insidente.
-Orly L. Barcala
