NADAGDAGAN na naman ang talents ng GMA Artists Center (GMAAC) sa pagpirma ng kontrata sa kanila nina 2017 Miss World Philippines Laura Lehman, Miss World Philippines 2017-Miss Multinational Sophia Senoron, at ang modelong si Michelle Dee.
Nag-post si Sophia ng “Well the news is finally out! I’m officially a Kapuso and I can’t wait to embark on a new journey with my new family.”
Post naman ni Laura: “And SURPRISE!! Today I am officially a #Kapuso. Here’s to new chapters in life—being brave, trying new things, exiting your comfort zone & giving it all your all for what you love: ) Let’s do this, @gmanetwork.”
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Si Michelle ay anak ng aktres na si Miss International 1979 Melanie Marquez.
Mukhang kinokopo ng GMA Network at GMAAC ang mga beauty queen, dahil nasa kanila na sina Miss World 2013 Megan Young at Reina Hispanoamericana 2017 Teresita Ssen “Wynwyn” Marquez. Maganda siguro kung pagsasama-samahin sila sa isang show.
Naalala namin, may movie contract na sa Regal Entertainment sina Laura at Sophia, at kasama nilang pumirma sina Teresita at Chynthia Tomalla.
-Nitz Miralles
