MGA bagong sibol na bowlers ang nagdomina sa katatapos na 38th Open championship ng Pasig Bowling Association (PBA) sa Sta. Lucia East Grand Mall.

Nakamit ni Axl Burayag ng TBAM-Prima (1,064) ang Mixed 15-and-under category laban sa 13-anyos na karibal na si Alexa Nuqui ng PBA-Nobleland (1,045). Nakopo ni Abraham Saddoy ang ikatlong puweto na may 1,000 pinfalls.

Sa Open Masters category, ginapi ni Enzo Hernandez ng Philippine Team si Benshir Layoso ng MTBA-Gruppo, 247-195. Napabilang sa podium si Ezzie Gan, miyembro rin ng national team.

Goodbye PBA? John Amores, tinanggalan na ng professional license!

Nakamit naman ni Danielle Evangelista ng TBAM-Prima ang Mixed Classified Masters title laban kay Mark Legurpa ng PTBA, 253-234. Pangatlo si Eljeor Saddoy ng MBA-EC Pro Shop.

Nangibabaw naman si Selwyn Cabaluna ng GMTBC-SLETBA sa Senior Masters sa naiskor na 1,825. Bumuntot sina Peter Go ng SCTBA-Prima (1,777) at Don Delos Santos ng CASBA (1,747).

Ang torneo ay sanctioned ng Philippine Bowling Federation at bahagi ng PBF circuit at NBT Tour.