TUTULAK na ang 1st Meralco Chess Club Youth Rapid Chess Tournament sa Hunyo 10, 2018 na gaganapin sa Multi-Purpose hall, Meralco Compound, Ortigas Avenue, Pasig City.
Magsisimula ang Round 1 ganap na 9:00 ng umaga.
Ipapatupad ang rate of play 20 minutes plus five seconds time delay mode, 7 rounds Swiss-system format ayon kina Meralco Chess Club top player Fide Master Leonardo Carlos at Fide Arbiter Alex Dinoy.
Hinati sa dalawang dibisyon kung saan may nakalaan na P3,000 ang magkakampeon sa Under 20 habang P2,500 naman ang maibubulsa ng maghahari sa Under 14 class.
