Nalagay sa balag na alanganin ang isang tricycle driver matapos umanong maaktuhang nagsusugal at makumpiskahan ng hinihinalang droga sa Makati City, nitong Martes ng hapon.
Nahaharap sa paglabag sa Anti-Gambling Law (PD 1602) at Comprehensive Dangerous Drugs Act of 2002 (RA 9165) si Rolando Espino y Cardinal, 33, ng 7691 Coronado Street, Barangay Guadalupe Viejo, Makati City.
Sa ulat ng Southern Police District (SPD), nadakip ang suspek sa Coronado St., sa Bgy. Guadalupe Viejo, bandang 2:45 ng hapon.
Unang nakatanggap ng impormasyon ang P o l i c e Community Precinct (PCP) 6 kaugnay ng nagaganap na ilegal na sugal sa lugar kaya mabilis na nagkasa ng operasyon ang awtoridad.
Pagdating sa lugar, naabutan nila ang mga nagsusugal ng cara y cruz at agad nagtakbuhan ngunit nasakote si Espino.
Nasa 15 katao, sugatan sa salpukan ng isang jeep at kotse; 5 sa kanila, nadaanan lang!
Nasamsam sa suspek ang isang pakete ng hinihinalang shabu, P123 na umano’y pusta sa sugal, at tatlong 25 coins na “Pangara”.
Nakakulong ang suspek sa Makati City Police.
-Bella Gamotea
