Ni Beth Camia
Umabot na sa 4.3 porsiyento ang inflation rate para sa Marso, higit sa target ng gobyerno na 2-4% lamang para ngayong taon.
Indikasyon ito na mabilis ang inflation rate o pagtaas ng presyo ng mga pangunahing bilihin sa bansa.
50.78% examinees, pasado sa Nov. 2024 Licensure Exam for Agriculturists
Sa ulat ng Philippine Statistics Authority (PSA), ang pagtaas ng presyo ng mga basic goods nitong nakaraang buwan ay mas mabilis kumpara sa 3.1% naitala noong nakaraang taon, at 3.8% noong Pebrero.
Sa ulat ng PSA, naging mabilis ang pagtaas ng presyo ng alak at sigarilyo.
Sa datos, ang presyo ng pagkain at non-alcoholic beverages ay tumaas ng 5.9%; ang halaga ng mga restaurant at miscellaneous good at service ay tumaas ng 3%; ang pabahay, tubig, kuryente, gas at iba pang produktong petrolyo ay tumaas ng 2.9%; samantalang tumaas ng 2.7% ang presyo ng mga furnishing, gamit at routine maintenance sa bahay; ang may kaugnayan sa kalusugan ay tumaas ng 2.4%; at 0.3% naman ang itinaas sa komunikasyon.
