Mula sa Cover Media

SINIRA ng music video ng hit song nina Luis Fonsi at Daddy Yankee na Despacito ang YouTube records at naging unang promo na nagkaroon ng five billion views.

Ang footage para sa catchy Spanish-language tune, kinunan sa La Perla neighbourhood ng San Juan sa Puerto Rico, ay opisyal nang nalagpasan ang huge milestone nitong Miyerkules, mahigit isang taon simula nang ilabas noong Enero 2017.

Nauna nang nasungkit ng Despacito ang most-viewed video of all time ng streaming service noong Agosto 2017, nalagpasan ang See You Again nina Wiz Khalifa at Charlie Puth. Inagaw ng awiting ito, itinampok sa Furious 7 movie soundtrack, ang titulo mula sa viral Gangnam Style hit ni Psy isang buwan pa lamang ang nakalilipas.

Samantala, lalong pinalakas ng Justin Bieber remix ng Latin Grammy-winning tune ang popularidad ng Despacito, pero ang official video para sa crossover tune ay mayroon lamang 7.66 milyon streams sa YouTube.

Kamakailan ay sinabi ni Luis na malaki ang naitulong ni Justin para maging megahit ang Latin track, iginiit na itinaas ni Justin ang Despacito sa ibang level ng tagumpay nang pumayag itong awitin ang ilang linya sa Spanish song.

“When the song was released, the instant feedback from the world was incredible and, four months in, Justin Bieber calls and expresses his interest,” ani Luis sa Billboard noong Pebrero. “What he brought was just a different layer, a different angle, his smooth vocals.

“I sing it coming from my Latin background and he sings it more coming from his Canadian-American style. It’s really nice to have that different point of view and it was great to have him and his special sauce.”