Ni Leslie Ann G. Aquino
Hinihiling ng National Citizens Movement for Free Elections (Namfrel) sa Supreme Court, umuupo bilang Presidential Electoral Tribunal, na payagan ang media at accredited citizens’ arms ng Commission on Elections na mag-obserba sa manual recount ng mga ipinoprotestang balota sa poll protest ni dating senator Ferdinand “Bongbong” Marcos laban kay Vice President Leni Robredo.
“We request the PET to inform the public of the complete procedure and duration of the recount and to allow the Comelec accredited citizens’ arms and media to observe the process,” saad sa pahayag ng Namfrel.
DOH, nakapagtala ng 17 firework-related injuries sa loob lamang ng 24 oras
Sinabi Namfrel Secretary General Eric Alvia na palalakasin ng transparency ang integridad ng recount process sa mata ng publiko.
“The Namfrel looks forward to the PET finally commencing the vote recount, which could hopefully settle the dispute on the alleged miscount on the Vice Presidential race of the 2016 National and Local Elections,” saad ng grupo.
Sinimulan ng PET nitong Lunes ang manual recount at revisions of ballots sa tatlong lalawigan na tinukoy sa protesta ni Marcos.
