Nina Mary Ann Santiago at Hannah L. Torregoza
Isang tren ng Philippine National Railways (PNR), na patungong south, ang nadiskaril makalipas ang ilang minuto nang lisanin nito ang Paco Station sa Maynila kamakalawa.
Walang iniulat na nasugatan sa insidente na naganap bandang 2:00 ng hapon.
Sa ulat ng Manila Police District (MPD)-Traffic Bureau, bago ang insidente ay nagbaba at nagsakay ng pasahero ang nadiskaril na tren sa Paco Station, na matatagpuan sa Pedro Gil Street, kanto ng Quirino Avenue, sa Paco.
#WalangPasok: Class suspensions ngayong Biyernes, Sept. 20
Nang maisakay ang lahat ng pasahero ay muli nang bumiyahe pa-soutbound ang tren, ngunit makalipas ang ilang minuto ay nadiskaril na ito.
Sama n t a l a , h i n i k a y a t ni Senador Grace Poe ang Department of Transportation (DOTr) na bigyang-pansin ang iba’t ibang isyu ng railway system ng bansa.
Ito ay kasunod ng pagkadiskaril ng tren ng Philippine National Railway (PNR), ilang minuto matapos nitong lisanin ang Paco Station.
“We have had incidents of derailment of PNR trains every year, and it’s simply unacceptable,” sabi ni Poe sa isang pahayag.
“Whether it’s the MRT, LRT or the PNR, we don’t want to see passengers getting offloaded and made to walk along the rails,” dagdag pa niya.
Sinabi pa ni Poe na dapat siyasatin ng DOTr ang insidente at mahigpit na ipatupad ang inspeksiyon at maintenance ng mga tren ng PNR, dahil karamihan sa mga ito ay luma na.
“Le t ’ s h a v e a p u b l i c transportation system that will bring the people to their destination and back to their homes safe and unscathed,” ani Poe.
“The DOTr has been allocated a budget for this in the 2018 national budget,” diin niya.
