IPAPAMALAS ng mga top woodpushers ang mga taktika sa sa pagtulak ng pinaka-aabangan na 4th Julio Trunio Chess Cup sa Marso 30, 2018, Biyernes, simula ala-sais ng gabi sa Pinoy Chess Club Online Facebook site.

Suportado ni sportsman Julio Trunio Jr. sa pakikipagtulungan ng MindChess Philippines at Chairman Capt Bw Ronaldo Rnb Banaag, tampok sa nasabing event ang single-elimination tournament, knock-out format, 2 minutes bullet time control format ayon kay Pinoy Chess Club Online Facilitator, Arbiter FNA Noel Morales nitong Miyerkoles.

“GM’s and IM’s participants will be advancing automatically to round 2 with respect to their status and at the same time attract more players,” giit pa ni Pinoy Chess Club Online Facilitator, Arbiter FNA Noel Morales.

Maibubulsa ng magkakampeon ang P1,500 habang nakalaan naman sa next three winners ang tig P1,000, P700 at P500 ayon sa pagkakasunod. Habang ang top lady performer ay may mapapanalunan naman na P300 celfone load.

Goodbye PBA? John Amores, tinanggalan na ng professional license!

Goodbye PBA? John Amores, tinanggalan na ng professional license!

Ilan sa mga sumusuporta sa free registration fee tournament na tinampukang PCCOnline CHESS Challenge ay sina Asia’s First Grandmaster Eugene Torre, multi-titled chess coach GM Jayson Gonzales, WIM Cristine Rose Mariano-Wagman, National Master Wilfredo “Fred” Neri, Col. Jaime “ Kuya Jim” Osit Santos, FNA Fundador Binahon, Philippine Executive Chess Association (PECA) president and National Chess Federation of the Philippines (NCFP) treasurer Atty. Cliburn Anthony A. Orbe at Kabayan Chess Player Club Bulacan Chapter-Malolos Chess Club chairwoman Ms. Saida Mapa sa pakikipagtulungan ng National Chess Federation of the Philippines (NCFP) at ng Chess Arbiter Union of the Philippines (CAUP).