OAKLAND, California (AP) — Tila walang epekto kay Stephen Curry ang napinsalang paa.
Simbilis ng kidlat at sintindi ng kulog ang presensiya ng two-time MVP na kumana ng 34 punos tampok ang anim na three-pointer para gapiin ang Brooklyn Nets, 114-101, nitong Martes (Miyerkules sa Manila.
Nag-ambag si Kevin Durant ng 19 puntos at anim na rebounds para sa ikaanim na sunod na panalo ng Warriors mula sa All-Star break.
Nanguna si D’Angelo Russell sa Nets na may 22 puntos.
Basketbolistang lumabag sa 'anti-drug program' ng NBA, suspendido ng 25 games, lugi rin ng ₱690M!
Nagtamo ng minor sprained si Curry sa panalo sa Atlanta Hawks nitong Biyernes, ngunit laban sa Nets, hindi ito naging balakid. Umiskor si Curry ng 11 sunod sa 25-0 run ng Golden States para palobohin ang bentahe sa 35-14 sa opening period.
Kumasa rin si Klay Thompson ng 18 puntos, kabilang ang isang three pointer.Kailangan niya ang dalawa pa para marating ang markang 200 o higit pang three-pointer sa ikaanim na sunod na taon at pantayan ang kasanggang si Curry.
Sa iba pang laro, hataw si Anthony Davis sa natipang 41 puntos sa 121-116 panalo ng New Orleans Pelicans kontra Los Angeles Clippers;nagwagi ang Portland sa new York, 11-87;hiniya ng Dallas ang denver, 118-107; nahila ng Houston Rockets ang winning streak sa 16 nang patulugin ang Oklahoma City Thunder, 122-112; nagwagi ang Philadelphia 76ers kontra Charlotte Hornets, 128-114.
