Ni NITZ MIRALLES
SA latest post ni Gabbi Garcia sa Instagram (IG), nakalabas na siya sa hospital dahil sa kidney infection. Hindi nakarating si Gabbi sa presscon ng Sherlock Jr. dahil on the way to the presscon, sumakit ang tiyan kaya sa hospital na siya tumuloy.
Ang masakit, may mga nanghusga kaagad na sinadya raw niyang hindi pumunta sa presscon dahil ayaw lang niyang mag-promote ng Sherlock Jr. Kaya sinagot niya ang basher na nagsabing nagsakit-sakitan lang siya at ang masama pa, ipinamukha ng fans na absent siya sa presscon dahil libre ‘yun at walang talent fee.
Netizen, ayaw na magbigay ng regalo sa pamilya niyang hindi marunong mag-appreciate
“Eto po ah. Sorry po, wala po ako sa presscon dahil naka-confine ako,” sagot ni Gabbi na may kasamang picture niya na may dextrose sa kamay.
Anyway, ibinalita ni Gabbi na lilipad siya patungong Tokyo for Maybelline cosmetics. Kaya pala may post siya ng Maybelline products na marami agad ang nagkainteres at tinanong kung saan mabibili.
Kaya kung si Maine Mendoza ay may Mac Lipstick na magiging available raw sa April, si Gabbi naman ay may Maybelline.
Hindi pa nababanggit kung magiging endorser o influencer si Gabbi ng cosmetics line.
Samantala, sa Monday na, January 29, pagkatapos ng 24 Oras ang pilot ng Sherlock Jr., sa direction ni Rechie del Carmen. Nakakabasa kami ng comments na panonoorin nila ang teleserye dahil kina Gabbi, Ruru Madrid at Janine Gutierrez.
Panonoorin din nila ang Sherlock Jr., dahil sa golden retriever na si Siri, Mikee Quintos, at buong cast lalo na si Ai-Ai delas Alas.
