Pinalawig pa ng Metropolitan Manila Development Authority (MMDA) ang dry-run para sa "high occupancy vehicle" (HOV) lane o carpooling sa EDSA.
Ayon sa MMDA, ang HOV lane sa EDSA ang maaari lamang gamitin ng mga sasakyang may dalawa o higit pang sakay.
Sinabi ni Celine Pialago, tagapagsalita ng MMDA, na magtatagal ang dry-run hanggang sa katapusan ng 2017.
Nilinaw ni Pialago na hindi muna manghuhuli ang MMDA sa mga lalabag sa mga polisiya ng HOV lane.
Archdiocese of Manila, hindi mag-eendorso ng kandidato sa eleksyon
Nabatid na sa Enero 2018 ay maglalabas ng rekomendasyon ang technical working group ng MMDA kung dapat o hindi ituloy ang HOV lane, batay sa datos na makukuha o assessment mula sa nasabing dry-run.
Sakaling epektibo o maging positibo ang resulta ng dry-run, isasagawa naman ang pangkalahatang implementasyon ng HOV lane sa unang tatlong buwan ng 2018.
Ngunit kung negatibo o hindi epektibo, muling pag-aaralan ng MMDA ang pagpapabuti sa HOV lane o carpooling sa EDSA. - Bella Gamotea
