Ni REGGEE BONOAN
'NATUTULOG ka pa ba?'
Ito ang tanong namin kay Jameson Blake na magandang ngiti lang ang ikinasagot nang makatsikahan namin pagkatapos ng Q and A sa presscon ng pelikulang Haunted Forest na entry ng Regal Films sa 2017 Metro Manila Film Festival.
Dating ALS learner, isa nang ganap na police officer
Wala kasing pahinga sa Jameson sa hals sabay-sabay na shooting at taping. Kapapalabas lang ng indie film na ginawa niya for Cinema One Originals Film Festival na may titulong ‘Nay kasama sina Enchong Dee at Sylvia Sanchez.
Naisingit din ni Jameson kasama sina Jerome Ponce at Sue Ramirez ang indie movie for international release na may titulong Ang Babaeng Allergic sa Wifi mula sa direksiyon ni Jun Robles Lana for IdeaFirst Company.
At heto, kakatapos lang i-shoot ang Haunted Forest at may tini-tape na teleserye kasama sina Joshua Garcia, Joao Constancia, at Julia Barretto under Star Creatives.
Natanong din si Jameson kung naka-move on na siya sa pagkamatay ng kaibigan niyang kapwa Hashtag member na si Franco Hernandez.
“It took me a while like siguro a week or two. Well, we have to move on after what happened, medyo nahirapan ako,” saad ng aktor at naikuwento ng bahagya ang naging samahan nila ni Franco.
”We were really close like we go out together, eat, watch movies, gimik minsan, gano’n. So ‘yun, parang we almost have the same personality. It’s like I’m looking at the mirror na makulit siya, makulit din ako ‘pag kasama ko siya so we got along very well. And it was actually the first time for me to experience losing a friend so it had a big impact on me so when I heard about the news so it took a while to move on,” salaysay ng aktor.
Paano naman nama-manage ni Jameson ang tinatawag na depression?
“Well, it was just in the mindset. I just had to think positive and just I think as a group, we became stronger as a group and everything we are doing parang ganon. Kasi parang I kind of felt it brought us closer kasi we all felt that we had the same state of mind when that happened,” sagot ng aktor.
Co-stars ni Jameson sa Haunted Forest sina Jane Oneiza, Maris Racal at Jon Lucas at kasama rin nila sina Raymart Santiago, Joey Marquez at iba pa. Mapapanood na ang pelikula nila kasama ang ibang pang entries simula sa Disyembre 25 handog ng Regal Entertainment mula sa direksiyon ni Ian Lorenos.
