Ni ROBERT R. REQUINTINA
ISINIWALAT ng isang feng shui expert ang masusuwerteng kulay para sa tatlong front-runners ng Miss Universe 2017 beauty pageant na magdadagdag sa kanilang ningning upang makamit ang korona sa Las Vegas, Nevada sa Nobyembre 26 (Nobyembre 27 sa Manila).
Ang masusuwerteng kulay para kay Miss Philippines Rachel Peters ay berde, gold, silver, ayon sa feng shui master na si Hanz Cua, nang eksklusibong makapanayam sa Mandaluyong City kahapon.
Classic movie ‘Ipaglaban Mo!’, ipinalabas ng CCP bilang kampanya vs VAWC
“Rachel was born under the Year of the Metal Goat. The month she was born was a Dog month and the day she was born was Snake.
“Her lucky color is green. Metal colors, her output colors, are also good for her -- gold, silver and white,” ani Cua. “Any of these colors will enhance her luck in the Miss Universe pageant.”
Ngayon ay nasa 10-year luck cycle ng Ox si Rachel, aniya. “She’s under the period of Ox and 2017 is a Rooster year.
On the day of the pageant, Nov. 26, it will be a Snake day. These three animals signs when combined -- snake, rooster and ox -- would bring good luck.
Ang isa pang front-runner na si Miss South Africa Demi-Leigh Nel-Peters ay malaki rin ang tsansang mapanalunan ang korona.
“Parehong malakas ang luck chart nilang dalawa,” ani Cua.
Sinabi pa ni Cua na para suwertehin ay dapat magsuot si Demi-Leigh ng water colors gaya ng asul, itim o kaya ay purple.
Maganda rin ang chart ni Miss Thailand Maria Poonlertlarp ngunit hindi kasing lakas nina Rachel at Demi-Leigh.
“But Miss Thailand could enhance her luck by wearing the colors gold, silver, gray or white,” dagdag pa ng feng shui expert.
Sinabi ng feng shui master na sa charts ng beauty queens, ang suwerte ni Miss South Africa ay “naka-built-in” sa araw ng kompetisyon.
“Miss Philippines will encounter friendly stars on her journey to the competition that would help her win in the pageant,” saad pa ni Cua.
Binasa ni Cua ang suwerte ng tatlong Miss Universe 2017 candidates batay sa kanilang kaarawan at araw ng kompetisyon sa Linggo.
*Preliminaries
Napili na ang Top 15 semifinalists para sa Miss Universe 2017 beauty pageant nitong Martes ng gabi. Ngunit ang paghahayag sa resulta ay sa finals sa Planet Hollywood sa Las Vegas, Nevada isasagawa.
Magmumula ang 16th semi-finalist sa fan vote voting sa buong mundo na magtatapos sa Sabado, Nobyembre 25.
Sa preliminary competition, sinuportahan ng fans si Rachel na rumampa suot ang swimsuit at evening gown, kasama ang 91 iba pang mga kandidata.
“Tonight was sooo much fun! Shoutout to all the Filipinos who were there for me tonight. I seriously felt the love and have been all week. Thank you to all my kababayans around the world for your relentless support, votes and prayers! I appreciate you all. Goodnight from LV. Excited for another beautiful day tomorrow,” saad ni Rachel sa Instagram.
