Patay sa pagkabagok ang isang rider nang banggain ng pampasaherong jeep ang kinalululanan niyang motorsiklo sa Malabon City, kamakalawa ng hatinggabi.
Binawian ng buhay habang nilalapatan ng lunas sa Manila Central University (MCU) Hospital si Bienvenido Zagala, Jr., 47, ng No. 214 P.1. Gozon Compound, Barangay Tonsuya ng nasabing lungsod.
Tumakas naman ang driver ng pampasaherong jeep (PWC-529) matapos ang insidente.
Sa report ni PO3 Israel Aguinaldo, ng Traffic Investigation Unit, nangyari ang insidente sa kahabaan ng Araneta Avenue at kanto ng Mango Road, Bgy. Potrero, Malabon City, dakong 11:25 ng gabi.
National
