Ni FRANCO G. REGALA
Pitong pulis sa Angeles City Police sa Pampanga na una nang sinibak sa tungkulin ang isa-isang inaresto ng pulisya sa siyudad nitong Martes, kaugnay ng kasong robbery-extortion sa tatlong Korean noong Disyembre ng nakalipas na taon.
Ayon kay Police Regional Office (PRO)-3 director Chief Supt. Amador V. Corpus, nagsanib-puwersa ang Angeles City Public Safety Company, Pampanga Criminal Investigation and Detection Team (CIDT), at Police Station 3 sa pagdakip kina PO3 Roentjen Ibot Domingo, 39, ng San Fernando City; PO2 Jose Summile Yumul Jr., 34, ng Mabalacat; PO2 Ruben Manuel Rodriguez II, 36, ng Angeles City; PO2 Richard King Reyes y Agapito, 30, ng Angeles City; PO2 Rommel Dayrit y Manicdao, 39, ng Magalang; PO2 Jayson Jingco Ibe, 37, ng Angeles City; at PO2 Mark Joseph Salen Pineda, 29, ng Angeles City.
Pawang dating nakatalaga sa Angeles City Police-Station 4 ang pito.
Matatandaang sinibak sa serbisyo ang pito noong nakaraang buwan dahil sa pagkakasangkot sa robbery-extortion ng tatlong Korean sa Angeles City, noong Disyembre 30, 2016.
Iran kay Trump: 'It is we who will determine the end of the war!'
Inaresto ang pitong dating pulis sa bisa ng arrest warrant sa kidnapping for ransom, at robbery in band na walang inirekomendang piyansa.
