Ni: Entertainment Tonight
PUMANAW na ang asawa ng Marvel comics legend na si Stan Lee, pahayag ng spokeperson ng pamilya sa ET. Si Joan Lee ay pumanaw sa edad na 93.
“Joan Lee passed away this morning quietly and surrounded by her family,” saad ng spokesperson. “The family ask that you please give them time to grieve and respect their privacy during this difficult time.”
ALAMIN: Pagbibigay ng 13th month pay sa mga empleyado, paano nagsimula?
Ikinasal si Joan, dating British hat model, kay Stan noong 1947. Nagkaroon sila ng dalawang anak, sina Joan Celia, ipinangank noong 1950, at Jan, na tatlong araw lamang nabuhay nang ipanganak noong 1953.
Sa buong karera ng Marvel Comics, kasama ni Stan si Joan, na nagsilbing inspirasyon sa bawat tagumpay ng komiks.
“Before you quit, why don’t you write one comic you are proud of?” kuwento ni Stan tungkol sa mga salitang binitawan ng asawa nang muntik na niyang bitawan ang indusriya ng komiks, sa The Hollywood Reporter nang nakaraang taon. Ito ang naging inspirasyon ni Stan kaya nilikha niya ang Fantastic Four.
Pagkaraan ng ilang dekada, isinapelikula at ipinalabas sa telebisyon ang Marvel, kasama si Joan sa nagboses sa ilang karakter sa ‘90s animated Marvel shows. Gumanap siya bilang Miss Forbes sa Fantastic Four at Madame Web sa Spider-Man. Naging bahagi rin siya ng X-Men: Apocalypse noong 2016.
Isa ring manunulat si Joan, isinulat niya ang nobelang The Pleasure Palace noong 1987.
