NI: Nitz Miralles
NAG-OBER da bakod muna si Edgar Allan Guzman dahil pagkatapos mapanood sa Doble Kara ng ABS-CBN, sa GMA-7 naman siya regular na mapapanood sa My Korean Jagiya na pinagbibidahan ni Heart Evangelista.
Nag-storycon na sila noong isang araw at kung ito ang ipapalit sa My Love From The Star, malapit na ngang magsimulang mag-taping si Direk Mark Reyes.
ALAMIN: Ano nga ba ang EBET Law na pinirmahan ni PBBM
After the storycon, ipinost ni Edgar Allan ang picture nila ni Heart na nilagyan niya ng caption na “Excited to work with you #MyKoreanJagiya @iamhearte.” Hindi pa alam kung si Edgar ang isa sa leading man ni Heart dahil ang unang nabalita, Korean actor ang makakapareha ng aktres.
Anyway, may Kapamilya fans si Edgar na nagtatampo sa paglipat niya sa GMA-7. Sana intindihin ng fans na trabaho lang ito at baka sa next show niya, balik siya sa ABS-CBN. Walang exclusive contract si Edgar sa alinmang network, kaya libre siyang magpalipat-lipat.
Saka, nag-iipon si Edgar dahil balak na niyang patayuan ng bahay ang nabiling lote (sa Antipolo yata ‘yun). Ireregalo niya ang bahay para sa kanyang ina.
