Pocari Sweat, asam pagpawisan sa PVL-Balita

Mga Laro Ngayon

(Fil -Oil Flying V Centre)

10 n.u. -- Air Force vs Café Lupe (men’s)

1 n.h. Air Force vs Pocari Sweat (women’s)

4 n.h. -- Power Smashers vs BaliPure (women’s)

6:30 n.g. -- Creamline vs Perlas (women’s)

PUNTIRYA ng defending champion Pocari Sweat ang ikalawa at huling outright semifinals berth sa pakikipagtunggali sa kulelat na Air Force ngayong hapon sa pagtatapos ng double-round eliminations ng Premier Volleyball League (PVL) sa Filoil Flying V Center sa San Juan.

Inaasahan na hindi magkakaroon ng problema ang Lady Warriors sa pagsungkit ng kanilang ikapitong panalo sa 10 laro matapos ang nauna nilang sweep sa Jet Spikers noong Mayo 6.

Inaasahan namang susubok si coach Rommel Abella ng mga bagong kumbinasyon na kanyang magagamit sa darating na Final Four ng torneo na inorganisa ng Sports Vision.

Ngunit sa pagkakataong ito, hindi makakalaro para sa Lady Warriors ang reinforcement na si Edina Selimovic, hindi na makakalaro hanggang matapos ang season dahil sa natamong hamstring injury, sa nakaraang laban nila kontra Creamline.

Magtutuos ang dalawang koponan ganap na 1:00 ng hapon.

Nauna nang umusad sa semis ang BaliPure matapos iposte ng tropa ni coach Roger Gorayeb ang come-from-behind 25-20, 23-25, 19-25, 25-18, 15-7 panalo kontra Creamline nitong Miyerkules.

Isasara ng Water Defenders ang kanilang elimination round campaign sa pagsagupa sa Power Smashers (5-4) ngayong 4:00 ng hapon.

Sa kabila ng kabiguan na nagbaba sa kanila sa markang 3-6, may tsansa pa rin ang Cool Smashers na makahabol sa semifinals dahil pasok sila sa quarterfinals kung saan sasabak sila sa panibagong round robin kasama ng apat pang koponan sa ilalim ng unang dalawang semifinalists.

Ang dalawang mangungunang koponan sa quarters ang uusad sa crossover semis na parehas na best -of-3 series gaya ng mangyayaring duwelo sa magwawaging mga koponan na magtutuos sa finals.

Magtatapat naman ang Creamline at Perlas sa huling laro ganap na 6:30 ng gabi na mistulang tune-up na para sa kani -kanilang quarters campaign. Samantala, maghaharap naman ang Air Force at ang winless na Café Lupe sa nag-iisang laro sa men’s division ng liga ganap na 10:00 ng umaga. (Marivic Awitan)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...