NGAYONG araw ang photo shoot ni Sylvia Sanchez para sa billboard ng produktong iiendorso niya.
Nitong nakaraang Linggo dumating ang aktres galing Amerika kasama ang anak na si Gela Atayde na nag-champion sa Dance Worlds 2017 kasama ang grupo ng Poveda Enciende.
Kahit may jetlag ay dumalo si Ibyang sa surprise victory party para sa anak na binuo ng mga pinsan at kaibigan nito.
ALAMIN: Mga dapat mong malaman tungkol kay Jose Rizal
Pinayuhang matulog maghapon kahapon si Ibyang para fresh looking siya ngayong araw sa kanyang photo shoot.
Pangiti-ngiti lang ang aktres na talo pa yata ang nasa Cloud 9 dahil finally, makikita na ang mukha niya sa billboard na matagal na niyang pinangarap.
Ikakabit sa tabi ng major highways sa buong Metro Manila at probinsiya ang billboard niya.
At take note, Bossing DMB dalawang taon ang kontrata ng aktres kaya matagal na masisilayan ng mga motorista ang billboards niya.
Bukod dito ay gagawa rin ng video si Sylvia para sa nasabing produkto. Inaasahang makaka-relate ang lahat ng tao, bata, matanda, lolo, lola, lalaki at babae sa naturang video.
Excited ang aktres sa maraming inquiries sa kanya para kuning endorser ng iba pang mga kilalang produkto.
Samantala, muling lalaban sa Oktubre ang Poveda Enciende ng anak niyang si Gela sa Australia naman.
“Katuwa mga anak ko, Reggee, may kanya-kanya silang forte, sina Arjo at Ria (Atayde), showbiz pareho, si Gela, heto sa pagsasayaw napunta, pero alam ko gusto rin nitong mag-artista someday. Tatapusin lang niya pag-aaral niya. Itong bunso ko, si Xavi, alam ko type niya ring mag-showbiz, pero ‘pag tinatanong, gusto niyang maging model. Basta kung ano ang gusto ng mga anak ko, susuportahan ko sila, kami ng daddy (Art Atayde) nila,” sabi ng aktres.
Ang ganda-ganda naman ng ngiti ni Papa Art habang nakikinig sa usapan namin ng asawa niya tungkol sa mga anak.
Nasa winning streak si Ibyang na matatandaang bago umalis papuntang U.S. ay ginawaran ng Best Actress award ng Gawad Tanglaw para sa performance niya sa The Greatest Love. Si Arjo, nangongolekta rin ng acting awards.
Ipinagpapasalamat din ng mag-asawa ang mainit na pagtanggap kay Ria sa My Dear Heart.
“Unexpected talaga itong My Dear Heart kay Ria, kasi ang alam namin, sa umpisa lang siya, hindi namin alam na pababalikin siya at ang daming nagti-text sa amin na binabati nila si Ria kasi, unti-unti, napapansin na ang acting niya.
“Kaya sa Dreamscape Entertainment, kina Sir Deo (Endrinal), nagpapasalamat kami sa ibinigay nilang tiwala kay Ria bilang Dra. Guia, kasi ang lakas ng recall sa tao.”
Oo nga, ang dami rin naming naririnig na papuri sa baguhang aktres dahil kayang-kaya raw nitong makipagtagisan kina Ms. Coney Reyes at Eric Quizon. (REGGEE BONOAN)
