BOSTON (AP) – Nakabitin sa alanganin ang kampanya ng Boston Celtics sa opening match ng kanilang first round playoff kontra Chicago Bulls sa Linggo (Lunes sa Manila) bunsod nang pagluluksa ni leading scorer Isaiah Thomas.
Namatay sa car accident ang nakababata niyang kapatid na babae nitong Sabado (Linggo sa Manila).
Sa pahayag ng Tacoma News Tribune, kinila ng Washington State Patrol si Chyna Thomas, 22, na biktima ng one-car accident ganap na 5:00 ng umaga sa Interstate 5 ng Federal Way sa pagitan ng Tacoma at Seattle.
Netizen, ayaw na magbigay ng regalo sa pamilya niyang hindi marunong mag-appreciate
Ayon sa ilang nakasaksi, maayos umanong binabagtas ng sasakyan ang kahabaan ng kalsada bago ito bumangga sa barrier.
“We are terribly saddened by the tragic loss of Chyna Thomas. The thoughts and prayers of the entire Celtics organization are with Isaiah and his family,” pahayag ng Celtics management.
Ngunit, walang opisyal na pahayag ang koponan hingil sa katayuan ni Thomas sa Game One ng Celtics-Bulls series
