DUBAI, United Arab Emirates (AP) — Isinantabi ni Andy Murray ang nadaramang pangangati bunsod ng ‘shingles’ para magaan na idispatya si Malik Jaziri, 6-4, 6-1, sa first round match ng Dubai Tennis Championships nitong Martes (Miyerkules sa Manila).

Ito ang unang sabak sa aksiyon ng top-rank na si Murray mula nang masilat ni Mischa Zverev sa first round ng Australian Open.

"I had a little bit of a rash basically like on my bum 'round to kind of my stomach, and it wasn't, like, terrible," pahayag ni Murray.

'Iconic women!' Pinakamalaki at pinakamaliit na babae sa buong mundo, nagkita!

"I didn't think much of it at the beginning, and then it was actually my wife's mum, we were having dinner, and I was, like, 'This is really irritating. She was, like, 'Pull your pants down. Show me. It might be shingles."

Nakaungos si Jaziri sa 2-1 sa first set, ngunit iyon lamang ang pagkakataon na nakatikim siya ng bentahe.

"Obviously, the second set was obviously a bit easier.First set, especially the beginning, was tough,” aniya.

Natikman naman ni defending champion Stan Wawrinka ang shocker nang masilat ni Damir Dzhumur 7-6 (4), 6-3. Ito rin ang unang laban ng third-rank na si Wawrinka mula nang matalo ni Roger Federer sa semifinals ng Australian Open.

"I think I start well, but it was tough match. I think after coming back one month out, I had to recover from the injury,” pahayag ni Wawrinka.