STA. ROSA, Nueva Ecija – Isang babaeng most wanted sa Pateros at matagal nang pinaghahanap ang naaresto ng pinagsanib na puwersa ng Pateros Municipal Police at Sta. Rosa Police sa nabanggit na bayan sa Nueva Ecija.
Dakong 12:25 ng umaga nitong Biyernes nang makorner ng raiding team si Rosanna Auxillo y Escalante, nasa hustong gulang, na hindi nagawang makapalag nang masorpresa sa pinagtataguan nito sa Barangay Luna, Sta. Rosa.
Ayon kay Sta. Rosa Police chief, Chief Insp. Jeffrey Alivia, bitbit ng kanyang mga operatiba ang arrest warrant laban kay Auxillo para sa kasong murder matapos makipag-ugnayan sa kanyang tanggapan ang Pateros Municipal Police.
(Light A. Nolasco)
Probinsya
