CAPAS, Tarlac - Humihingi ng katarungan ang walong pamilyang magsasaka sa Capas, Tarlac na puwersahan umanong pinalayas sa sinasaka nilang bukid at sinilaban pa ang kani-kanilang kubo sa Barangay Villar, Botolan, Zambales, nitong Martes ng hapon.
Ang walong pamilyang nagrereklamo ay residente sa mga barangay ng Sta. Juliana at Cut-Cut 2nd sa Capas, malapit sa Mount Pinatubo ng Zambales.
Ayon sa report ni PO3 Aladin Ao-as, abala sa bukid ang mga biktima nang dumating ang 15 armadong lalaki, na pinamunuan umano nina “Turing”, “Buro” at “Tuno”, at sapilitang itinaboy ang mga pamilya. (Leandro Alborote)
Probinsya
