Mga laro Ngayon
(UST Quadricentennial Pavilion Arena)
1 n.h. -- DLSZ vs UST
3 n.h. -- UST vs UE
Basketbolistang lumabag sa 'anti-drug program' ng NBA, suspendido ng 25 games, lugi rin ng ₱690M!
Nakamit ng defending champion National University ang unang slot sa boys championship series matapos idispatsa ang Far Eastern University-Diliman, 19-25, 25-18, 25-20, 25-23, nitong Martes sa UAAP Season 79 high school volleyball tournament sa NU Gym.
Makakaharap ng Bullpups ang magwawagi sa Final Four match sa pagitan ng No. 2 seed University of Santo Tomas at No.3 seed University of the East ngayong 3:00 ng hapon sa UST Quadricentennial Pavilion Arena.
Kailangan lamang ng Tiger Cubs ang isang panalo kontra Junior Warriors upang makausad sa best-of-three title series.
Mauuna rito, tatangkain ng UST na makamit ang nalalabing final slot sa pakikipagtuos sa De La Salle-Zobel sa 1:00 ng hapon.
Isang panalo ang kailangan ng second-ranked Junior Tigresses upang makusad sa championship round kung saan haharapin nila ang outright finalist at three-peat seeking NU matapos mawalis ang elimination round. (Marivic Awitan)
