RIO DE JANEIRO – Tinuldukan ng Team Philippines ang kampanya sa 2016 Rio Olympics sa malungkot na kabiguan ni Kirstie Elaine Alora sa women’s taekwondo nitong Sabado, sa Carioca 3 ng Olympic Park.

Nakaatang sa kanyang balikat ang huling tsansa para madagdagan ang silver medal na napagwagian ni weightlifter Hidilyn Diaz, nagtamo si Alora ng 1-4 kabiguan kay Olympic champion Maria Espinoza ng Mexico sa opening match.

Tuluyang nalusaw ang pag-asa maging sa bronze medal nang maungusan si Alora ni Wiam Dislam ng Morocco, 7-5, sa repachage.

Ang duwelo sa 5-foot-11 Morocccan ang magsisilbing alas ni Alora para sa bronze medal match, ngunit kinapos siya sa krusyal na sandali.

Tangan ni Alora ang 5-4 bentahe may 20 segundo sa final round, ngunit nagawang makatabla ng Moroccan, bago nakaiskor ng magkasunod na sipa bago ang buzzer.

Manny Pacquiao, nag-ceremonial first pitch sa gitgitan ng Yankees at Athletics

Manny Pacquiao, nag-ceremonial first pitch sa gitgitan ng Yankees at Athletics

“Another sad moment because it was my second chance. But I was denied. I think I should continue fighting in this sport because if I won a medal here I might end up saying, ‘This is my last,’” sambit ng 26-anyos na si Alora.

“The Lord has plans for me to continue fighting. I’m happy with the results here but I was not fortunate enough.

It’s God’s will. Maybe he wants me to win in the Asian Championships or the World Championships before I become an Olympic champion,” aniya.