CEBU CITY – May bago nang warden ang Cebu City Jail kasunod ng malawakang paghahalughog sa pasilidad na nagresulta sa pagkakakumpiska ng milyun-milyon pisong cash, pake-pakete ng shabu, at ilang kontrabando.
Si Supt. Jessie Calumpang ang humalili kay Supt. Johnson Calub, na warden sa piitan nang isagawa ang “Operation Greyhound” ng Police Regional Office (PRO)-7 nitong Sabado ng madaling araw.
Bukod sa milyun-milyon pisong cash, nakasamsam din ang mga operatiba ng PRO-7, Philippine Drug Enforcement Agency (PDEA)-7, Special Weapons and Tactics (SWAT), Regional Public Safety Battalion-7, at K9 Unit ng Philippine Coast Guard (PCG) ng 48 sachet of shabu, na tumitimbang ng 70 gramo at nagkakahalaga ng P240,000. (Mars W. Mosqueda, Jr.)
Probinsya
