Ni Marivic Awitan

ANO BA ‘TE? - Napasigaw si Myla Pablo ng Pocari Sweat nang mapunta sa kanyang harapan ang bola na nabigong maibalik nang kasanggang si Desiree Dadang sa kaagahan ng laro laban sa Philippine Air Force sa ‘do-or-die’ match. Nagwagi ang Pocari para makopo ang kampeonato sa Shakey's V League Open Conference Season 13 nitong Lunes, sa PhilSports Arena sa Pasig City. (KEVIN DELA CRUZ, MB)

Nagbunyi habang lumuluha sa center court ang mga miyembro at tagasuporta ng Pocari para ipagdiwang ang tagumpay sa kauna-unahang pagkakataon sa prestihiyosong torneo.

Muling namuno para sa Pocari si dating National University player Myla Pablo na nagtala ng game-high 23 puntos, tampok ang 21 mula sa hit.

Goodbye PBA? John Amores, tinanggalan na ng professional license!

Ngunit sa kabuuan, pinapurihan ni coach Rommel Abella ang mga manlalaro na nagkasama-sama lamang sa unang pagkakataon.

“The players showed the heart of a champion,” pahayag ni Abella.

“We were coming of a 0-1 deficit in the finals and never won against Air Force in our two games but we came back and we were rewarded with a championship,” aniya.

Nakatulong ni Pablo sa pagmaniobra sa laro si Elaine Kasilag na tumapos na may 15 puntos, habang kumana ang setter na si Gizelle Sy sa naitalang 51 excellent set at pitong puntos.