De Lima, sang-ayon kay Trillanes na Duterte camp nasa likod ng 18 ex-marines!-Balita

De Lima, sang-ayon kay Trillanes na Duterte camp nasa likod ng 18 ex-marines!

Sinang-ayunan ni Mamamayang Liberal (ML) Partylist Rep. Leila de Lima ang naging pahayag ng dating senador na si Antonio “Sonny” Trillanes IV na kampo raw ng mga Duterte ang nasa likod ng paglitaw sa publiko ng 18 na nagpakikilang mga dating miyembro ng Philippine Marine.

Matatandaang kasing isiniwalat sa publiko ni Trillanes noon na nakakuha raw sila ng impormasyon na galing umano sa kampo ng mga Duterte ang nagpondo at nag-organisa ng isinagawang press conference nina Atty. Levito “Levi” Baligod at 18 ex-marines.

“We’re getting information right now na galing sa Duterte camp ‘yong nag-finance, nag-organize nito, itong mga front, syempre si Baligod ‘yong gustong umeksena diyan,” ani Trillanes sa panayam sa kaniya ng ABS-CBN News noong Pebrero 26, 2026.

KAUGNAY NA BALITA: Duterte camp, nasa likod ng presscon ng 18 ex-marines, Baligod!—Trillanes

Ayon naman sa naging pahayag ni De Lima habang nasa tanggapan ng National Bureau of Investigation (NBI) nitong Lunes, Marso 9, 2026, sinabi niyang “plausible” o makatwiran daw ang inihayag ni Trillanes tungkol sa Duterte camp.

“Sa tingin ko po… that’s very plausible explanation,” pagsisimula niya, “That is a plausible basis na sasabihing galing sa Duterte camp.”

Ani De Lima, “timing” o nagkataon daw kasi na isinagawa noon ang deliberation ng House Committee on Justice sa impeachment complaints laban kay Vice President Sara Duterte at ang pagdinig ng International Criminal Court (ICC) sa confirmation of charges ng mga kasong kinakaharap ni dating Pangulong Rodrigo Duterte.

“Kasi nga ‘yong timing, impeachment and then ‘yong sa ICC. So, sino ang makikinabang, sila,” aniya.

Pagpapatuloy ni De Lima, gusto umanong ilihis ng Duterte camp ang atensyon ng publiko tungkol sa mga usaping kinasasangkutan nila kaya lumitaw ang 18 ex-marines.

“As I said, gusto [nilang] ilihis ang atensyon ng taumbayan doon sa mga isyung kinakasangkutan nila,” diin niya.

“So it could only be coming from the Duterte camp,” pagtatapos pa niya.

KAUGNAY NA BALITA: Rep. De Lima, Fr. Flavie Villanueva nagsampa ng kaso sa NBI vs 18 ex-marines!

KAUGNAY NA BALITA: Trillanes, kakasuhan 18 ex-marines, Baligod, Defensor, atbp!

Mc Vincent Mirabuna/Balita

Lalaking angkas ng motor, patay matapos sumabit sa nakalaylay na kable sa kalye!

Dead on arrival ang isang 49 taong gulang na angkas ng isang motorsiklo matapos silang sumabit sa isang nakalaylay na kable sa Legazpi City, Albay. Ayon sa mga ulat, minamanaheo ng 50-anyos na driver ang motorsiklong sinasakyan ng biktima nang bigla nilang magsemplang matapos sumabit sa kableng nakalaylay pala sa daan. Mabilis namang umaksyon ang emergency response team sa naturang lugar upang...

Babaeng palaboy, napagkamalang basura ng garbage truck collector; patay!

Nasawi ang babaeng palaboy matapos umano siyang mapasama sa mga basurang kinolekta ng isang garbage truck collector. Ayon sa mga ulat, hindi umano napansin ng operator ng garbage truck ang katawan ng biktima na noo’y kabilang sa mga basurang dadamputin nila gamit ang claw ng nasabing truck. Sinasabing naipit at napisil ang katawan ng babae matapos siyang madampot ng claw ng garbage truck, bago...

Palasyo sa nambabatikos kay PBBM: ‘Puro tayo pintas, pero walang nagagawang solusyon!’

Niresbakan ng Malacañang ang mga umaalma at bumabatikos sa kung paano binibigyang-aksyon si Pangulong Ferdinand “Bongbong” Marcos, Jr. ang mga isyung kinahaharap ng bansa. Kasunod ito ng pahayag ng Makabayan bloc hinggil sa umano’y pagiging “announcer” ni PBBM sa mga inaasahang rollback sa presyo ng langis, pamimigay ng limitadong subsidiya, at pagbuo ng limitadong programa kaysa raw...