GINANAP ang ika-18 taon ng Reader’s Digest Trusted Bands awarding ceremony sa Marco Polo Hotel, Ortigas, Pasig na kumilala sa ilang mahuhusay na personalidad sa bansa noong Hunyo 30.
Pinarangalan sa seremonya ang news anchor ng 24 Oras at beteranong radio host ng DZBB na si Mike Enriquez bilang Philippines Most Trusted Radio Presenter. Ginawaran din ng parangal ng Reader’s Digest sa ikaanim na pagkakataon si Jessica Soho bilang Most Trusted TV News Presenter.
Nakamit naman ni Toni Gonzaga ang pagkilala bilang Most Trusted Entertainment/Variety Show Presenter at ni Sen. Manny Pacquiao bilang Philippines Most Trusted Sports Personality.
New pet peeve unlocked: 'Parang nagfe-Facebook sa ATM dahil sa sobrang tagal!'
“Every survey we ask thousands of people – both our readers and a representative sample of consumers in each market – to tell us which brands they consider worthy their support, custom, and their trust. Not only have we learnt which brands consumers follow, we have discovered a lot about what trust means and how it wins the hearts of people across Asia ,” sabi ni Walter Beyleveldt, Reader’s Digest Managing Director, Asia Pacific.
Ang mga nagkamit ng Platinum award ay ang Baby Company, SM Supermalls, ABSCBN, Century Tuna, Monterey, Magnolia, Carrier, Uratex, Boysen, Pilot, Executive Optical, at PLDT Home; Gold award naman ang nasungkit ng Healthway, Condura, PLDT Home DSL, San Marino Corned Tuna, Baguio Oli, Citibank, Asian Eye Institute, Ideal Vision, Medicard, Acer, Camella Homes, DMCI Homes, GMA-7, Panda, Sharp, at Whirlpool.
Tinatayang 8,000 indibidwal mula sa Pilipinas, Hong Kong, Malaysia, Singapore at Taiwan ang tumugon sa survey na mayroong 44 kategorya, 1,000 sa mga ito ay mga Pilipino. (Helen Wong at Lorenzo Jose Nicolas)
