Pinadapa ng De La Salle University ang University of the Philippines, 59-54 sa dikdikang labanan sa pagbubukas ng bagong ligang Philippine Collegiate League (PCL) Women’s Open nitong Linggo sa Rizal Technological University gym sa Mandaluyong City.
Kumubra ng game-high 22 puntos at dalawang rebound si Katherine Castillo para pangunahan ang Lady Archers habang namuno naman sa Lady Maroons si Antonia Wong na muntik nang makapagtala ng double- double sa naiskor na 17 puntos at walong rebound.
Sa iba pang laro, hiniya ng Polytechnic University of the Philippines ang RTU- Team A, 85-41.
Pinangunahan ni Shiela Ponday ang balanseng opensa ng PUP sa kanyang ipinosteng 10 puntos.
Goodbye PBA? John Amores, tinanggalan na ng professional license!
Nabalewala naman ang game-high 11 puntos at walong rebound ni Wiz Duazo.
Dobleng kabiguan naman ang nalasap ng RTU nang matalo rin ang kanilang Team B sa kamay ng Centro Escolar University ,71-64.
Umiskor ng 18 puntos at pitong rebounds ang Nigerian center ng Lady Scorpions na si Messi Lawan upang pamunuan ang naturang tagumpay. (Marivic Awitan)
