Petron, ipagtatanggol ang korona-Balita

Mga laro ngayon

(San Juan Arena)

1pm Opening ceremonies, 2pm F2 Logistics vs Cignal

4pm Petron vs Foton

Nakatuon sa unang panalo ang nagtatanggol na kampeong Petron Tri-Activ sa asam nitong pagpapanatili sa pinakaprestihiyosong korona sa inaasahang nitong matinik na daan sa pagbubukas ng tampok na 2016 Philippine Superliga (PSL) All-Filipino Conference sa San Juan Arena.

Sisimulan muna ang isang oras na panimulang seremonya sa pagpaparada ng walong kasaling koponan ganap na ala-una ng hapon bago ito sundan ng salpukan ng isa sa kinukunsidera sa titulo na F2 Logistics at Cignal HD Spikers sa una sa dalawang isasagawang laro.

Hindi na makakasama ng Tri-Active sina Aby Marano, Rachel Anne Daquis, Dindin Manabat at Fille Cayetano sa pagsagupa nito sa tinanghal na Grand Prix champion Foton Toplanders sa inaasahang magiging maigting na laban sa ganap na alas-4 ng hapon.

Makakasama ngayon ng Tri-Activ Spikers ang mga bago nitong miyembro na sina Aiza Pontillas, Sheila Pineda at CJ Rosario na kinuha ng Petron bilang second overall pick sa nakaraang PSL Annual Rookie Draft.

Aminado mismo si Petron coach George Pascua na lubhang mahirap ang daan tungo sa kampeonato matapos na magpalakas din ng kanilang komposisyon ang mga karibal sa torneo partikular ang makakasagupa nito ngayong hapon na Toplander.

“Mukhang mahihirapan na kaming makaulit. Lahat ng teams malaki ang imporvement,” sabi ni Pascua, na nagtala ng kasaysayan sa liga bilang unang coach na giniyahan ang koponan sa malinis na 13-0 pagwawalis nakaraang taon. “I like my team. We’re now more aggressive because we got a little younger,” sabi pa nito.

Ang Foton, na siyang pumigil sa hangad ng Petron na three-peat, ay lalo naman nagpalakas sa pagkuha sa serbisyo nina Ennajie Laure at Cherry Rondina sa UST at Carol Cerveza mula sa La Salle upang idagdag sa pinanatili nito na beteranong miyembro na sina Jaja Santiago, Angeli Araneta at Patty Orendain. (Angie Oredo)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...