OPISYAL nang ikinasal si Bristol Palin.
Ang 25 taong gulang na anak ni dating Alaska Governor Sarah Palin ay nagpakasal na sa kanyang on-again, off-again beau na si Dakota Meyer, kumpirmadong balita ng ET nitong Miyerkules.
“Life is full of ups and downs but in the end, you’ll end up where you’re supposed to be,” pahayag nina Palin at Meyer sa ET. “We are so happy to share with loved ones the wonderful news that we got married!”
WFH employee, nagbigay-pugay sa supportive niyang ina: 'Dahil pala sa kaniya...'
“Hard work and God’s grace are the foundation of our new life together, and with the love and support of our family we know we can get through anything,” dagdag nila.
Ibinahagi rin ng bagong kasal, kasalukuyang nagha-honeymoon, ang malapitang kuha ng kanilang mga singsing — ang singsing ni Meyer ay purong itim, habang ang kay Palin ay may mga diamond.
May mga espekulasyon na lihim silang nagpakasal noong Martes nang ibahagi ni Meyer sa kanyang Facebook page ang litrato na tila pahiwatig na ikinasal na nga sila. Sa nasabing larawan, suot ni Palin ang kanyang engagement ring at sa ikalawang band sa kapareho ring daliri, na nagpapahiwatig na pareho na silang nagsabi ng “I do.”
“On one hand, we know that everything happens for a reason, and there are no mistakes or coincidences,” paglalarawan ni Meyer, 27, sa litrato. “On the other hand, we learn that we can never give up, knowing that with the right tools and energy, we can reverse any decree or karma. So, which is it? Let the Light decide, or never give up? The answer is: both.” (ET Online)
