FOLLOW-UP ito sa sinulat namin tungkol kay Sarah Geronimo na tila nagbago ang isip dahil magiging isa siya sa mga hurado ng bagong reality show ng ABS-CBN na maghahanap ng bagong all-boy band.
Ayon sa source namin, La Banda ang title ng show, franchise mula Latin American singing competition series na binuo ni Simon Cowell at produced naman ng dating Menudo star na si Ricky Martin.
Pero kahapon, nagpahabol ng info ang source na hindi pa raw sure si Sarah dahil gusto nga nitong magpahinga at magbakasyon sa ibang bansa.
Classic movie ‘Ipaglaban Mo!’, ipinalabas ng CCP bilang kampanya vs VAWC
Hmmm, mukhang inililigaw na naman ang nasulat namin dahil na-preempt namin, tama ba, Bossing DMB?
Anyway, napakaganda pala ang concept ng La Banda na nasa pre-production stage na ngayon at ang peg ng mga hahanapin nilang grupo ay mala-One Direction.
Hayan, kaya sa mga guwapitong mahilig kumanta ay pagkakataon na ninyo ito.
Tiyak na mabubuhay uli ang mga pinasikat na kanta ng boy band na pinagkaguluhan ng fans noon noong ‘90s tulad ng Backstreet Boys, N’Synch, Boyz II Men, A1, Hansons at iba pa. (Reggee Bonoan)
