OAKLAND, Calif. (AP) — Hindi pa masisilayan ng basketball fans ang husay at gilas ni Stephen Curry sa kasalukuyang playoff series kontra sa Portland Trail Blazers.

Ipinahayag ni Golden State coach Steve Kerr nitong Huwebes (Biyernes sa Manila) na hindi pa makakasama sa line up ng Warriors ang reigning MVP sa Game 3 ng Western Conference semi-finals laban sa Portland, sa Sabado (Linggo sa Manila).

Ayon kay Keer, hindi pa lubusang naiensayo ni Curry ang kanang tuhod na nagtamo ng pinsala sa MCL sa first round playoff.

“It’s tough to see him playing Saturday,” pahayag ni Kerr. “He’s gotten better and better each day.”

'Pikon daw?' UAAP fan na nag-dirty finger, agaw-eksena sa San Juan Arena!

Ngunit, mabilis na sinabi ni Kerr na hindi pa ito handa para isalang sa laban.

Aniya, hanga’t hindi lubusang gumaganda ang kondisyon ni Curry, hindi niya ito palalaruin hanggang Game 4 na nakatakda sa Lunes (Martes sa Manila).

“Everything has gone very smoothly. He hasn’t had any setbacks,” sambit ni Kerr. “He’s ramping up things in the weight room.”

Sumasama na si Curry sa ensayo ng Warriors at patuloy ang one-on-one shoot out kina coach Luke Walton, Jarron Collins at Theo Robertson.

Tangan ng defending champion Golden State ang 2-0 bentahe sa best-of-seven series kontra Portland.

“That’s what we did in Houston with the ankle. He wanted to play but he hadn’t practiced,” sambit ni Kerr.

“We gave him two straight days of three-on-three, five-on-five, and he felt pretty good. So that’s why he started out Game 4. We probably need to get through that process. We need to see him in rhythm, cutting, moving and see how he responds the next day as well.”