Inihayag ng bagong binuo na Philippine Bowling Congress (PBC) coaching staff ang 20 miyembro ng national training pool.
Sinabi ni national head coach Rafael “Paeng” Nepomuceno na ang 20 ang siyang pagtutuunan ng pansin para sanayin at hubugin para sa mga darating na international tournament.
Kasama sa coaching staff sina assistant Engelberto “Biboy” Rivera, Jojo Canare, Johnson Cheng at Rey Reyes.
Akari Sports wala pang balak pasukin ang PBA
“We already had the initial list of players that will compose our team,” pahayag ng bowling hall-of-famer.
“However, they will be trimmed down to six each that will compose the men and women’s team,” aniya.
Ang 11 kataong men’s team ay binubuo nina Enzo Hernandez, Ivan Malik, Jason Tubid, JR Tan, JP Macatula, Kenneth Chua, Marky Del Carmen, Marvin Tan, Nikko Olaybar, Raul Miranda, at Kevin Cu.
Ang siyam kataong women’s team ay kinabibilangan naman nina Alexis Sy, Leah Hernandez, Dianne Coronacion, Krisha Tabora, Lara Posadas, Liza Del Rosario, Liza Clutario, Badesh Arle at si Rica Macatula.
Target ng PBC na sumabak sa Asian Championships at World Singles na gaganapin ngayong taon habang nakatuon ang pansin sa susunod na Southeast Asian Games sa Kuala Lumpur, Malaysia. (Angie Oredo)
