Mga laro ngayon
(Smart- Araneta Coliseum)
3 n.h. – ROS vs Blackwater
5:15 n.h. – SMB vs Phoenix
Goodbye PBA? John Amores, tinanggalan na ng professional license!
Mapatatag ang kampanya para sa twice-to-beat ang asam ng San Miguel Beer sa pakikipagtuos sa Phoenix sa tampok na laro ngayon sa 2016 PBA Commissioner’s Cup, sa Smart Araneta Coliseum.
Tangan ang barahang 6-3, sa likuran ng nangungunang Meralco Bolts (8-2), makakasagupa ng Beermen ang Fuel Masters na magsisikap namang panghawakan ang gahiblang tsansang umabot ng quarterfinals.
Nasa ikawalong posisyon taglay ang barahang 3-7, halos nasa alanganin ang kanilang posisyon na makaabot top 8 ang Fuel Masters na nasa likuran ng Mahindra (4-6) at Star (4-7).
Sasakyan ng Beermen ang momentum sa naitalang triple-overtime win kontra NLEX.
Sa unang laban, kakalas ang Rain or Shine sa kasalukuyang 3-way tie sa ikatlong posisyon hawak ang barahang 6-4.
Para naman sa katunggaling Blackwater, sisikapin din nilang panatilihing buhay ang tyansa na makausad sa playoffs.
(Marivic Awitan)
