Iranian president, dumepensa kay Pope Leo XIV-Balita

Iranian president, dumepensa kay Pope Leo XIV

By Vincent Gutierrez

April 14, 2026

Nagpaabot ng pagsuporta si Iranian President Masoud Pezeshkian kay Pope Leo XIV, matapos itong makatanggap ng mabibigat na mga salita mula kay United States (US) President Donald Trump kamakailan.

Kaugnay ito sa banat ni Trump sa Santo Papa, kung saan sinabi niyang mahina raw ito sa usaping krimen at foreign policy.

“Pope Leo is WEAK on Crime, and terrible for Foreign Policy,” saad ni Trump sa kaniyang pahayag.

MAKI-BALITA: Trump, binira si Pope Leo XIV matapos manawagan ng kapayapaan

Sa isang X post na ibinahagi ni Pezeshkian noong Lunes ng gabi, Abril 13 (oras sa Pilipinas), kinondena niya ang aniya’y pang-iinsulto ni Trump sa lider ng Simbahang Katoliko.

“His Holiness Pope Leo XIV, I condemn the insult to Your Excellency on behalf of the great nation of Iran,” saad ni Pezeshkian sa kaniyang X post.

“…and declare that the desecration of Jesus, the prophet of peace and brotherhood, is not acceptable to any free person,” pagpapatuloy ng Iranian president.

Hiniling niya rin kay Allah ang kaluwalhatian para kay Pope Leo XIV.

“I wish you glory by Allah,” pagtatapos ni Pezeshkian.

Samantala, idiniin naman ng Santo Papa na hindi siya natatakot sa administrasyong Trump, at wala raw siyang intensyon na makipagdebate sa Pangulo ng Amerika. Giit niya, ang panawagan lamang daw niya ay kapayapaan.

“I continue to speak strongly against war, seeking to promote peace, dialogue and multilateralism among states to find solutions to problems,” saad ni Pope Leo XIV sa isang pahayag noong Lunes, Abril 13 (oras sa Pilipinas).

Anang Santo Papa, “I’m not afraid of the Trump administration or speaking out loudly of the message of the gospel, which is what I believe I am here to do, what the church is here to do.”

KAUGNAY NA BALITA: ‘Enough of war!’ Pope Leo XIV, ipinanawagan tigil-giyera sa Middle East

Samantala, wala pang inilalabas na pahayag si Trump kaugnay sa pagdepensa ng Iran kay Pope Leo XIV.

Reading proficiency at numeracy skills ng mga mag-aaral, umangat! – DepEd

Inanunsyo ng Department of Education (DepEd) na umangat ang kakayahan sa pagbasa at matematika ng mga mag-aaral sa buong bansa sa nagdaang school year 2025 - 2026. Ayon sa pahayag ng DepEd noong Miyerkules, Mayo 6, lumabas sa mga resulta ng Comprehensive Rapid Literacy Assessment (CRLA), Rapid Math Assessment (RMA) at Philippine Informal Reading Inventory (Phil-IRI) para sa school year 2025 -...

'That is extortion!' Kampo ni Romualdez, pumalag na kay Franco Mabanta

Bumuwelta ang spokesperson ni Leyte 1st District Rep. at dating House Speaker Martin Romualdez na si Atty. Elaine Atienza kaugnay sa inilabas na pahayag ng political content creator at founder ng media channel na Peanut Gallery Media Network na si Franco Mabanta. Matatandaang pinabulaanan ni Mabanta noong Miyerkules, Mayo 6, 2026, ang dahilan ng naging pagtugis sa kaniya at apat pa niyang...

Mga opisyal ng BSP, ‘highest paid government executives’ – COA

Nanguna bilang “highest paid government executives” ang mga opisyal ng Bangko Sentral ng Pilipinas (BSP) sa 2025 Report on Salaries and Allowances (ROSA) ng Commission on Audit (COA). Sa nasabing report, pumalo sa ₱52,756,463.72 ang kita ni BSP Governor Eli Remolona Jr. para sa taong 2025. Kasama na sa rito ang kaniyang ₱12 milyong basic pay, ₱18 milyong allowances, at ₱21 milyon sa...