Bago umakyat sa ring para sa kanilang magkahiwalay na laban sa April 23 title defense ni “The Filipino Flash” Nonito Donaire Jr. kontra kay Hungarian challenger Zsolt Bedak, nagpamalas ng kahusayan sina ALA Boxing Gym top prospect WBO at IBF Youth featherweight champion Mark “Magnifico” Magsayo at Jason “El Niño” Pagara sa public sparring kamakailan sa Cebu Provincial Capitol grounds.
Itinampok sa sparring session ang kabuuang 6 bouts na kinabibilangan nina Jeo “Santino” Santisima at dating world contender Rocky “The Road Warrior” Fuentes.
Nakatakdang ipagtanggol ni Donaire ang kanyang WBO super bantamweight belt kay No. 4 ranked Bedak sa tinaguriang The Time Has Come: Donaire vs Bedak championship fight sa Cebu City Sports Center.
Itinaguyod ang Donaire vs Bedak fight ng pinagsamang ALA Promotions International, ABS–CBN Sports, at Top Rank, Inc. (Gilbert Espeña)
