FINALLY, inilabas na ng GMA-7 ang apat na gaganap bilang Sangre sa Encantadia Requel (retelling + sequel) at kasama nga si Kylie Padilla bilang si Amihan na dating ginampanan ni Iza Calzado.
Kami ang unang nagsulat na kasama si Kylie sa Encantadia, pero may tumawag na taga-GMA sa amin na nagsabing hindi raw totoo, bagamat nag-audition naman ang aktres at nagalingan ang lahat.
“Huy, hindi pa sure ‘yun bakit mo sinulat?” sabi sa amin. “Wala pang final decision. Nakakahiya kay Kylie baka hindi siya mapili.”
Hindi kami naniwala, e, susme wala namang artista ang GMA-7 na kasing husay sa martial arts ni Kylie, aayaw pa ba sila?
Mark Andrew Yulo, naniniwalang babalik sa kanila ang anak na si Carlos
Kaya pala ganoon ang reaksiyon, nabulabog ang GMA dahil na-preempt daw sila sa isa sa lead cast ng Encantadia.
So, heto naglabas na ng official statement ang GMA noong Lunes kung sino ang bumubuo ng Encantadia at kasama nga si Kylie.
Ang iba pang gaganap na Sangre ay sina Glaiza de Castro bilang si Pirena (Sunshine Dizon), Gabbi Garcia sa papel na Alena (Karylle Tatlonghari) at Sanya Lopez as Danaya (Diana Zubiri).
Si Marian Rivera ang gaganap na Ynang Reyna (Dawn Zulueta) at si Dingdong Dantes naman si Raquim (Richard Gomez).
Pero kasama rin si Dong sa unang Encantadia sa papel na Ybarro/Ybrahim.
Kasama rin si John Arcilla sa papel na Haring Hargorn, Ruru Madrid as Ibarro, at Rocco Nacino bilang si Aquil mula sa direksyon ni Mark Reyes at sa panulat ni Suzette Doctolero.
Target ng GMA-7 na ipalabas sa Hulyo ang Encantadia Requel. (Reggee Bonoan)
