LOS ANGELES (AP) -- Maging sina basketball Hall-of-Famer Ervin ‘Magic’ Johnson at Jason Collins, ilan sa mga NBA player na umamin na mga bading, ay nagpahayag ng kanilang pagkadismaya sa naging pahayag ni eight division world champion Manny Pacquiao.
“I applaud Nike for terminating Manny Pacquiao’s contract after his derogatory statements that gay people are worse than animals,” sambit ni Johnson, 5-time NBA champion sa Los Angeles Lakers sa kanyang Twitter.
Ipinaalala ni Johnson na sumuporta ang LGBT community kay Pacman para maituloy ang “Fight of the Century” nila ni American unbeaten champion Floyd Mayweather, Jr. noong Mayo kung saan kumita ang Sarangani Congressman ng mahigit US$200 milyon.
'Pikon daw?' UAAP fan na nag-dirty finger, agaw-eksena sa San Juan Arena!
Dahil dito, sinabi ni Johnson na hindi na niya susuportahan at panonoorin ang laban ni Pacquaio.
Tinawag naman ni Collins si Pacquiao na “bigoted.”
“I lost all respect for you,” menahe ni Collins sa kanyang Twitter. “Bigoted people like you (& yes you are one) should never hold an office in politics.”
