LUMPONG EKONOMIYA-Balita

SA kabila ng kaginhawahang nadama natin sa sunud-sunod na pagbaba ng presyo ng mga produkto ng langis, nangangamba namang mawalan ng trabaho ang libu-libong overseas Filipino workers (OFWs), kabilang na ang ilan nating mga kamag-anak. Katunayan, marami sa kanila ang mistulang itiniwalag sa mga kumpanya sa iba’t ibang oil-producing countries sa Middle East dahil sa paghina ng produksiyon ng krudo na inaangkat ng mga bansa na katulad ng Pilipinas.

Ito ang dahilan ng biglang-bagsak ng presyo ng krudo sa world market na naging dahilan naman ng pagkakatanggal ng mga OFWs na nagtatrabaho sa mga oil refineries.

Marami na ang ating mga kababayan at kamag-anak ang nagpasabi na mapipilitan silang bumalik sa Pilipinas dahil nga sa patuloy na pagbabawas ng labor force sa nabanggit na mga kumpanya. Marami sa kanila ang matagal nang namamasukan sa Arab countries bilang bahagi ng kanilang mga pangarap na mabigyan ng maginhawang buhay ang kanilang pamilya.

Napilitan silang mangibang-bansa dahil sa kahirapang maghanap ng trabaho sa Pilipinas. Isinangla o ipinagbili ang kanilang mga ari-arian upang matugunan lamang ang nakalululang overseas employment fees.

Hindi inalintana ang mga panganib na susuungin nila bilang mga OFWs. Tulad, halimbawa, ng nangyari kamakailan sa ating 13 kababayan na nasunog sa isang hotel sa Iraq. Bukod pa rito ang karumal-dumal na mga krimen na bumibiktima sa OFWs. Ang ganitong mga pangyayari ay naging bahagi na ng pakikipagsapalaran ng ating mga kababayan na ang ilan ay napipilitang umuwi dahil sa sinasabing pagbagsak ng ekonomiya ng mga bansa na kanilang kinaroroonan.

Ang malaking katanungan ngayon: Mayroon kayang naghihintay na trabaho para sa kanila? Hindi ba’t kaya sila napilitang magtrabaho sa ibang bansa ay dahil sa malubhang employment problem dito? Magugunita na maraming OFW mula sa mga bansang nagdidigmaan ang pinauwi subalit walang trabaho hanggang ngayon. Sa kabila ito ng paniniyak ng Overseas Workers Welfare Administration (OWWA) na hindi sila pababayaan. Hindi ba’t mismong si Presidente Aquino ang nagpahiwatig na wala nang aalis na OFW kapag sila ay nahalal?

Hindi dapat balewalain ang jobless OFWs na uuwi mula sa mga bansang ginigiyagis ng lumpong ekonomiya. (CELO LAGMAY)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...