NGAYONG Linggo, magaganap ang face-off ni Juan Tamad at ng titser niyang si Professor Panindak.
Dahil sa mga nahuli-cam na pictures nina Juan (Sef Cadayona) at Teacher Marie (Max Colllins), maglulunsad ng signature campaign ang tusong si Professor Panindak (Caloy “Ogag” Alde) para mapatalsik ang dalawa sa school.
Ang hindi alam ng propesor, may itinatagong alas si Juan. Nai-record nito ang mga pang-aabuso ni Professor Panindak sa kanyang mga estudyante — namamalo pala ito sa klase. Magiging viral ang video at pati ang media ay mapapasugod sa Masipag University hanggang maging buong bansa na ang nakatutok sa ang kabaliwan ng propesor.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Samantala, mas magiging malapit pa nga ang school mascot na si Mayumi (Valeen Montenegro) sa kanyang crush na si Juan. Mukhang may namumuong love triangle.
Huwag palampasin ang Juan Tamad ngayong Linggo, Enero 31, 4:30 PM sa GMA.
