TARLAC CITY – Sadyang mapanganib ang mabilis na pagpapatakbo ng motorsiklo, at isang 20-anyos na lalaki ang nasawi dahil dito, sa San Pascual-Batang-Batang Road sa Barangay Batang-Batang, Tarlac City.
Kinilala ni SPO1 Alexander Siron ang namatay habang ginagamot sa Jecsons Medical Center na si Kier Gambito, 20, driver ng Honda XRM motorcycle (CA-95528), habang grabe namang nasugatan ang kaangkas niyang si Ryan Ilad, 17, kapwa residente ng Bgy. Lalapac, Victoria, Tarlac.
Dakong 2:30 ng hapon, patungong timog ang motorsiklo ni Gambito nang bigla itong mawalan ng kontrol hanggang bumalandra sa kalsada. (Leandro Alborote)
Probinsya
