RAMOS, Tarlac - Dahil sa biglang pagtawid ng isang asong gala sa municipal road ng Barangay Toledo sa bayang ito, grabeng nasugatan ang driver ng motorsiklo at tatlong angkas niya matapos sumemplang ang sasakyan.
Ginagamot sa Rayos Valentin Hospital sina Versito Ramiscal, 30, driver ng motorsiklo (RI-8567); Amelia Ramiscal, 30; Amzon Ramiscal, 9; at Zams Ramiscal, 7, pawang taga-Bgy. Poblacion North, Ramos, Tarlac.
Patungong kanluran ang motorsiklo nang biglang tumawid ang aso, na nahagip naman sa katawan at sugatan din.
(Leandro Alborote)
Probinsya
