Arestado ang isang kilabot na drug pusher na kabilang sa top 10 drug personalities ng Pasay City Police sa ikinasang anti-drug operation ng mga tauhan ng Station Anti Illegal Drugs-Special Operation Task Group (SAID-SOTG) kahapon.
Nakakulong na si Adrian Camacho, 45, residente ng No. 2976 Mahogany Street, Barangay 145, Zone 16, Pasay City, at top 3 drug personality sa lungsod.
Sa ulat na tinanggap ni Pasay City Police Chief, Senior Supt. Joel B. Doria, dakong 1:30 ng hapon nang namataan ng awtoridad ang suspek sa gitna ng isinagawang operasyon sa Mahogany Street.
Natunugan ng suspek ang pagdating ng mga pulis sa lugar at tinangka pang tumakas subalit agad siyang nasakote.
50.78% examinees, pasado sa Nov. 2024 Licensure Exam for Agriculturists
Nakumpiska kay Camacho ang dalawang plastic sachet na naglalaman ng hinihinalang shabu, na ibebenta umano niya sa kanyang parokyano.
Mahaharap sa kasong paglabag sa Sections 5 at 11 ng RA 9165 (Comprehensive Dangerous Drugs Act 2002) si Camacho.
(Bella Gamotea)
