SAN JOSE, Tarlac – Kumilos na naman ang matitinik na illegal logger sa bayang ito, ngunit dalawang tao ang naaresto ng mga tauhan ng San Jose Police at ng task force ng Bantay Kalikasan.
Ayon kay San Jose Police Chief, Senior Insp. Sonny Los Baños Silva, ang mga naaresto ay sina Joel Villegas, 25, binata; at Cornelio Ancheta, 62, may asawa, ng Barangay Maliksi 1, Bacoor, Cavite. Nakatakas naman ang driver ng Mitsubishi van (VEC-161) na si Rolly Ancheta, 37, ng nasabing lugar.
Nakarekober ang mga awtoridad ng walong illegal logs na aabot sa 378 board feet, at sinasabing kinuha sa Sitio Bangkirig sa Bgy. Iba, San Jose, Tarlac. (Leandro Alborote)
Probinsya
